مفضلات شهر مايو/ May Faves
راح اتكلم عن عن المكياج بعدين منتجات العنايه
برايمر ميك اب فور ايفير
هذا من اخر كولكشن نزلته ميك اب فور ايفير .. يتحكم بدهون البشره ويقلل من مظهرها ويثبت الفاونديشن مده اطول .. ممتاز واعطيه ١٠/١٠
فاونديشن لوريال ترو ماتش
احسن فاونديشن من الدرق ستور .. استخدمته كثير الفتره اللي راحت مرره ناسبني وحبيته .. تغطيته متوسطه وقابل للبناء ثابت لكن يدهن شي بسيط بعد خمس ساعات على التي زون .. فيه حمايه بسيطه من الشمس .. جداا ممتاز
الدرجه الي خذيتها W4 وهذا سواتش لها
بي بي ميشا الكوري
اكثر شي احب استخدمه بصوره يوميه للدوام .. حمايه الشمس عاليه ٤٢ .. يعتبر معالج مايسبب حساسيه او تهيج للبشره .. تغطيته متوسطه للفل .. ثباته جدا عالي فقط اثبت التي زون ببودره .. عيبه درجات الالوان كلها فاتح وعلى رمادي
كنت استخدم درجه ٢٣ لونها رماااادي .. وغيرت الدرجه ل ٢٧ حسيتها مناسبه اكثر
سواتش للدرجتين اللي فوق ٢٣ واللي تحت ٢٧
كوركتر من بوبي براون
حبيته لان لونه على اورنج يغطي الهالات موب بس يمنع ان الكونسيلر يقلب رمادي .. كريمي وخفيف حبيته اكثر من حق ماك الرجه اسمها دارك بيتش
كونسيلر نارس
هالكونسيلر فعلا يستاهل كل المدح اللي سمعته عنه .. فل كفر مايخطط ولايقلب وثابت .. حبيته مره صار المفضل عندي .. اسم الدرجه جنجر
لوس باودر من لورامارسييه
هالبودره للاسف كنت اخر من يجربها .. مدرري ويني عنها من زمااان .. على كثر ماسمعت عليها مدح حسيتهم يبالغون لكن يوم جربتها وقعت بغرامها .. خفيفه جدااااا ماتكتل ولاتشهب الوجه حبيتها اكثر شي لتحت العين والتي زون انصحكم فيها وبقووووه
بودره من ميبيلن
هالبودره تكلمت كثير عنها بالانستقرام .. جدا دخيص سعرها ب ٢٠او ٢٥ .. لكن جودتها ممتاااااازه .. خفيفه ع الوجه مررره وتغطيتها متوسطه للفل .. ماتدهن احب استخدمها ببوتي بلندر رطبه النتيجه خياليه .. عيبها درجاتها كلها فاتحه .. هذي اغمق درجه اسمها هوني ورقمها ٠٤
برونز من كلارنس
للاسف انه ليمتد لونه خياااالي على اورنج كانك مسويه تان صدقي .. وخفيف ع البشره وثاابت ..وكميته كبيره استخدمه كل يوم تقريبا ومع ذلك ماتغير .. كلارنس بينزلون واحد لايفوتكم
بلشر من ماك
بلاشرات ماك معروفه جودتها .. هالدرجه اسمها دانتي مرره حلوه لونها بينك فيها شي لمعه .. جميله تعطي قلو ومنظر صحي للبشره .. هذا البلشر اللي دايم بشنطه مكياجي احبه لان الدرجه تناسب الصبح وبالليل وتناسب اي مكياج
هذا سواتش لها
بلشر من ذا بالم
اسمه هوت ماما .. لونه مشمشي فيه ذرات لمعه ذهبيه … لوونه مره جميل مع المكياج البرونز ثااابت جدااااا
هذا سواتش له
اضاءة ماري لو من ذا بالم
جودتها ممتازه مسحه خفيفه منها تكفي وتقعد ثابته طوول اليوم .. لونها على لؤلؤي .. مناسبه للسهرات لان لمعتها قويه
هذا سواتش لها
اضاءه من بينيفت
اضاءه كريميه احب احطها قبل الهايلايتر عشان يثبته ويوضحه .. ومرات احب استخدمها مع المكياج الخفيف تعطي اشراقه .. احطها على جسر الانف واعلى الخد
كونتور توفيسد
الباكج كيوت والمنتج ريحته تشوكليت .. الدرجه اللي ع اليسار فووق خياليه للكونتور جايه على رمادي شوي تشبه هولا من بينفت .. مسحه خفيفه تكفي وسهل بالدمج .. اما الي تحت ع اليمين يصلح كبرونز لونه جاي علي اورنج شوي
الاضائات وحده منهم فيها ذرات لمعه ذهبيه موب مره حبيتها .. اما الثانيه حلوه مافيها شيمر او قلتر تعطي اضاءه خفيفه
هذا سواتش لهم
بودره حواجب من ايلاماسكا
اسم الدرجه ثندر .. افضل بودره حواجب جربتها بدون استثناء .. لونها حلوه وسهله بالرسم وماتتفتت وثابته وكميتها كثيره كل يوم استخدمها ولا تغير شكلها انصحكم فيهااا
ماسكرة حواجب من ماك
مره جميله ماستخدم غيرها .. ماتنشف الحواجب ولاتلصقهم تثبتهم وتعطيهم لون حلو .. ماتسيح ولاتطيح الحواجب .. الدرجتين الي احبهم كوايت برنيت و بولد برنيت
كحل بني من بوبي براون
مرات احب احط كحل بني بدل الاسود الصبح لونه اخف واهدى .. وحبيته بوبي براون مررره كريمي سهل بالرسم وينشف بسرعه مايسيح
ايلاينر من ذا بالم
اسوود ثااابت مايسيح ولايتقشر او يتشقق .. فرشته حلووه سهل الرسم فيه مرره ..
ماسكرا استيلاودر
سوووده وتكثف الرمووش مررره وتطولها سهله بالمسح ولاتطيح الرموش احب استخدمها للمناسبات اكثر شي تكلمت عنها بالتفصييل بالانستقرام
ماسكرا من ايسينس
من زمان وانا اسمع ان مسكراتهم حلوه لكن ماتوقعتها بهالجوده .. هالماسكرا جمييييله جدا تكثف بشكل خيالي وتطوول ولا تتفتت ولا تطيح الرموش وسعرها مررررره رخيص ب ١٦ ريال .. مصدومه من جودتها تقارن بالهاي اند
برايمر من ايسنس
من زمااان وانا ادوره دايم مخلص .. حبيته مره يوحد لون الجفن ويثبت الشدو ويوضح لونه ..جودته مرره عاليه على سعره ب ١٦ اتوقع
باليت شدو من تارت
من شريته وانا كل يوم استخدمه الوانه كلها مات ودرجاته خيااال الالوان واضحه وسهله بالدمج ولاتتنثر هالباليت اعطيه ١٠/١٠
راح انزل تدوينه كامله عنه قريب
بيقمنت من ذا بالم
اسمه work is overrated لونه على روز .. مررره جميل بالاستخدام .. لمعته قوي اثبته بفكس بلس
ارواج ميك اب فور ايفير
هذول المات ثابتين مررره لكن ناشفين شوي لازم ترطيب قبلهم جودتهم ممتازه الدرجتين الي استخدمتهم كثير رقم ٢ لونه نود ورقم ٤ لونه بنك
سواتشات لهم
الي ع اليمين رقم ٤ واليسار ٢
ارواج لايم كرايم
قلوسات اول ماتنحط تنشف وتصير مات .. عجبني قوامها وثباتهاا مرره بس لازم ترطيب عشان ماتقشر الشفايف .. الالوان اللي حبيتها ريوت وكشمير
الي ع اليمين ريوت واليسار كشمير
كشمير ع الشفايف لونه شوي رمادي موب زي السواتش .. لازم قبله محدد عشان يطلع لونه حلو
مثبت مكياج من اربن ديكاي
يثبت المكياااج مده طووووويله ولايخليه يتحرك من مكانه اعطيه ١٠/١٠ وانصحكم فيه
كريم ترطيب من سيفورا
كريم ترطيب جسم ريحته حلوه ترطيبه عالي وتمتصه البشره بسرعه مايلصق ولا شي حبيته مره خذيت الحجم الصغير للشنطه
غسول وسكرب من نيتروجينا
هالشي ادمنته .. بالجريب فروت ومخصص للبشره الدهنيه (اويل فري) حبيته مرررره استخدم الغسول يوميا مرتين الصبح وباليل والسكرب ٣ مرات بالاسبووع .. يخفف من الحبوب ويقلل من افراز الدهون
كريم ترطيب من كلينك
كريم زي الجل خفيف وتمتصه البشرره بسررررعه ممتاز قبل المكياج حبيته مره .. فيه منه انواع حسب كل بشره .. هذا خصص للدهنيه
فيتامين E من بودي شوب
زيت للوجه ينحط قبل النووم .. مره حلو يرطب البشره ويخل يمنظرها صحي .. وعلى انه زيت ماطلع لي حبوب ابداااااا
استخدمه قبل النوم ٣ الى ٤ مرات بالاسبوع
كريم R&B من لش
كريم شعر مرررره حلو ريحته جدا جميله ويرطب الشعر ويوخر النفشه من غير مايخلي منظره ملصق استخدمه بعد الشور وقبل ماسرح شعري .. احطه على النص الي تحت .. وابعد عن منابت الشعر
بيوتي بلندر
