الثلاثاء، 1 سبتمبر، 2015



ريفيو عن باليت Tartelette من تارت





 Tartelette Palette From Tarte



اكثر شي احبه بالشدوات المطفيه لانها تناسب اغلب الاوقات وتعطي مجال انك تسوين لوكات صباحيه ومسائيه فيها اول ماشفت الباليت نزل وشفت رآي بعض البلوقر تحمست على طول اني اجربه
الباليت عباره عن ١٢ شدو مات مطفيه مافيها لمعه والالوان اللي باليت جديده ماقد اصدرتها من قبل

راح اتكلم عن مكوناته:
طين الأمازون : عنصر الطبيعة الأكثر مثالية لأفضل ثبات مده اطول
فيتامين E: يعتبر من المواد الحافظة الطبيعية التي تعمل أيضا كمضاد للالتهابات و مضادات الأكسدة
أصباغ المعدنية : لتهدئة و تليين الجلد


رآي فيه 

من اجمل الباليتات اللي جربتها تنوع الالوان جميييل ويناسب جميع البشرات وكل المناسبات .. فيه اهم الالوان الاساسيه المطفيه استخدمها بمعظم المرات اللي اتمكيج فيها سواء لمكياج ناعم صباحي او مكياج سهرات 
جوده الشدوات ممتاززه ناعمممه ولونها واضح جدا وثابت وممكن تستخدم من غير برايمر 
سهله بالدمج ومعظمها ماينثر بالاستخدام .. احسه يستاهل كل ريال دفعته فيه ويستحق الاقتناء 


صوره اقرب للباليت توضح الوان ودرجات الشدو 

راح احط سواتش له
 ( صور السواتش من http://www.makeupandbeautyblog.com )




الصف الاول: درجات الشدو دافيه وجايه على درجات البني ( اكثر درجات استخدمتها وحبيتها )
From L to R: Free Spirit, Force of Nature, Dreamer and Multi-Tasker 



الصف الثاني: درجات الشدو على موف وبينك 
From L to R: Free Spirit, Force of Nature, Dreamer and Multi-Tasker


الصف الثالث: الدرجات بارده وجايه على رمادي 
 From L to R: Super Mom, Wanderer, Power Player and Fashionista




الباليت فيه الالوان الاساسيه البيج والبني والاسود

طلبته من موقعهم من امريكا https://tartecosmetics.com
سعره 44$ تقريبا 167 ريال سعودي (قيمته من غير تكاليف الشحن)






الاثنين، 8 يونيو، 2015

مفضلات شهر مايو/ May Faves





راح اتكلم عن عن المكياج بعدين منتجات العنايه




برايمر ميك اب فور ايفير 


هذا من اخر كولكشن نزلته ميك اب فور ايفير .. يتحكم بدهون البشره ويقلل من مظهرها ويثبت الفاونديشن مده اطول .. ممتاز واعطيه ١٠/١٠

فاونديشن لوريال ترو ماتش 


احسن فاونديشن من الدرق ستور .. استخدمته كثير الفتره اللي راحت مرره ناسبني وحبيته .. تغطيته متوسطه وقابل للبناء ثابت لكن يدهن شي بسيط بعد خمس ساعات على التي زون .. فيه حمايه بسيطه من الشمس .. جداا ممتاز
الدرجه الي خذيتها W4 وهذا سواتش لها 



بي بي ميشا الكوري 


اكثر شي احب استخدمه بصوره يوميه للدوام .. حمايه الشمس عاليه ٤٢ .. يعتبر معالج مايسبب حساسيه او تهيج للبشره .. تغطيته متوسطه للفل .. ثباته جدا عالي فقط اثبت التي زون ببودره .. عيبه درجات الالوان كلها فاتح وعلى رمادي
كنت استخدم درجه ٢٣ لونها رماااادي .. وغيرت الدرجه ل ٢٧ حسيتها مناسبه اكثر
سواتش للدرجتين  اللي فوق ٢٣ واللي تحت ٢٧




كوركتر من بوبي براون 


حبيته لان لونه على اورنج يغطي الهالات موب بس يمنع ان الكونسيلر يقلب رمادي .. كريمي وخفيف حبيته اكثر من حق ماك الرجه اسمها دارك بيتش



كونسيلر نارس


هالكونسيلر فعلا يستاهل كل المدح اللي سمعته عنه .. فل كفر مايخطط ولايقلب وثابت .. حبيته مره صار المفضل عندي .. اسم الدرجه جنجر


لوس باودر من لورامارسييه 


هالبودره للاسف كنت اخر من يجربها .. مدرري ويني عنها من زمااان .. على كثر ماسمعت عليها مدح حسيتهم يبالغون لكن يوم جربتها وقعت بغرامها .. خفيفه جدااااا ماتكتل ولاتشهب الوجه حبيتها اكثر شي لتحت العين والتي زون انصحكم فيها وبقووووه

بودره من ميبيلن 


هالبودره تكلمت كثير عنها بالانستقرام .. جدا دخيص سعرها ب ٢٠او ٢٥ .. لكن جودتها ممتاااااازه .. خفيفه ع الوجه مررره وتغطيتها متوسطه  للفل .. ماتدهن احب استخدمها ببوتي بلندر رطبه النتيجه خياليه .. عيبها درجاتها كلها فاتحه .. هذي اغمق درجه اسمها هوني ورقمها ٠٤


برونز من كلارنس 



للاسف انه ليمتد لونه خياااالي على اورنج كانك مسويه تان صدقي .. وخفيف ع البشره وثاابت ..وكميته كبيره استخدمه كل يوم تقريبا ومع ذلك ماتغير .. كلارنس بينزلون واحد لايفوتكم


بلشر من ماك 


بلاشرات ماك معروفه جودتها .. هالدرجه اسمها دانتي مرره حلوه لونها بينك فيها شي لمعه .. جميله تعطي قلو ومنظر صحي للبشره .. هذا البلشر اللي دايم بشنطه مكياجي احبه لان الدرجه تناسب الصبح وبالليل  وتناسب اي مكياج
هذا سواتش لها



بلشر من ذا بالم 


اسمه هوت ماما .. لونه مشمشي فيه ذرات لمعه ذهبيه … لوونه مره جميل مع المكياج البرونز ثااابت جدااااا
هذا سواتش له



اضاءة ماري لو من ذا بالم 


جودتها ممتازه مسحه خفيفه منها تكفي وتقعد ثابته طوول اليوم .. لونها على لؤلؤي .. مناسبه للسهرات لان لمعتها قويه
هذا سواتش لها




اضاءه من بينيفت 


اضاءه كريميه احب احطها قبل الهايلايتر عشان يثبته ويوضحه .. ومرات احب استخدمها مع المكياج الخفيف تعطي اشراقه .. احطها على جسر الانف واعلى الخد



كونتور توفيسد 




الباكج كيوت والمنتج ريحته تشوكليت .. الدرجه اللي ع اليسار فووق خياليه للكونتور جايه على رمادي شوي تشبه هولا من بينفت .. مسحه خفيفه تكفي وسهل بالدمج .. اما الي تحت ع اليمين يصلح كبرونز لونه جاي علي اورنج شوي
الاضائات وحده منهم فيها ذرات لمعه ذهبيه موب مره حبيتها .. اما الثانيه حلوه مافيها شيمر او قلتر تعطي اضاءه خفيفه
هذا سواتش لهم 




بودره حواجب من ايلاماسكا 


اسم الدرجه ثندر .. افضل بودره حواجب جربتها بدون استثناء .. لونها حلوه وسهله بالرسم وماتتفتت وثابته وكميتها كثيره كل يوم استخدمها ولا تغير شكلها انصحكم فيهااا



ماسكرة حواجب من ماك 


مره جميله ماستخدم غيرها .. ماتنشف الحواجب ولاتلصقهم تثبتهم وتعطيهم لون حلو .. ماتسيح ولاتطيح الحواجب .. الدرجتين الي احبهم كوايت برنيت و بولد برنيت 



كحل بني من بوبي براون 


مرات احب احط كحل بني بدل الاسود الصبح لونه اخف واهدى .. وحبيته بوبي براون مررره كريمي سهل بالرسم وينشف بسرعه مايسيح 



ايلاينر من ذا بالم 


اسوود ثااابت مايسيح ولايتقشر او يتشقق .. فرشته حلووه سهل الرسم فيه مرره ..



ماسكرا استيلاودر 


سوووده وتكثف الرمووش مررره وتطولها سهله بالمسح ولاتطيح الرموش احب استخدمها للمناسبات اكثر شي تكلمت عنها بالتفصييل بالانستقرام



ماسكرا من ايسينس 


من زمان وانا اسمع ان مسكراتهم حلوه لكن ماتوقعتها بهالجوده .. هالماسكرا جمييييله جدا تكثف بشكل خيالي وتطوول ولا تتفتت ولا تطيح الرموش وسعرها مررررره رخيص ب ١٦ ريال .. مصدومه من جودتها تقارن بالهاي اند 



برايمر من ايسنس 


من زمااان وانا ادوره دايم مخلص .. حبيته مره يوحد لون الجفن ويثبت الشدو ويوضح لونه ..جودته مرره عاليه على سعره ب ١٦ اتوقع


باليت شدو من تارت 


من شريته وانا كل يوم استخدمه الوانه كلها مات ودرجاته خيااال الالوان واضحه وسهله بالدمج ولاتتنثر هالباليت اعطيه ١٠/١٠
راح انزل تدوينه كامله عنه قريب


بيقمنت من ذا بالم 


اسمه work is overrated لونه على روز .. مررره جميل بالاستخدام .. لمعته قوي اثبته بفكس بلس 


ارواج ميك اب فور ايفير 


هذول المات ثابتين مررره لكن ناشفين شوي لازم ترطيب قبلهم جودتهم ممتازه  الدرجتين الي استخدمتهم كثير رقم ٢ لونه نود ورقم ٤ لونه بنك
سواتشات لهم
الي ع اليمين رقم ٤ واليسار ٢




ارواج لايم كرايم



قلوسات اول ماتنحط تنشف وتصير مات .. عجبني قوامها وثباتهاا مرره بس لازم ترطيب عشان ماتقشر الشفايف .. الالوان اللي حبيتها ريوت وكشمير
الي ع اليمين ريوت واليسار كشمير
كشمير ع الشفايف لونه شوي رمادي موب زي السواتش .. لازم قبله محدد عشان يطلع لونه حلو 


مثبت مكياج من اربن ديكاي 



يثبت المكياااج مده طووووويله ولايخليه يتحرك من مكانه اعطيه ١٠/١٠ وانصحكم فيه 



كريم ترطيب من سيفورا


كريم ترطيب جسم ريحته حلوه ترطيبه عالي وتمتصه البشره بسرعه مايلصق ولا شي حبيته مره خذيت الحجم الصغير للشنطه 


غسول وسكرب من نيتروجينا 


هالشي ادمنته .. بالجريب فروت ومخصص للبشره الدهنيه (اويل فري) حبيته مرررره استخدم الغسول يوميا مرتين الصبح وباليل والسكرب ٣ مرات بالاسبووع .. يخفف من الحبوب ويقلل من افراز الدهون 



كريم ترطيب من كلينك 


كريم زي الجل خفيف وتمتصه البشرره بسررررعه ممتاز قبل المكياج حبيته مره .. فيه منه انواع حسب كل بشره .. هذا خصص للدهنيه



فيتامين E من بودي شوب 



زيت للوجه ينحط قبل النووم .. مره حلو يرطب البشره ويخل يمنظرها صحي .. وعلى انه زيت ماطلع لي حبوب ابداااااا
استخدمه قبل النوم ٣ الى ٤ مرات بالاسبوع



كريم R&B من لش 


كريم شعر مرررره حلو ريحته جدا جميله ويرطب الشعر ويوخر النفشه من غير مايخلي منظره ملصق استخدمه بعد الشور وقبل ماسرح شعري .. احطه على النص الي تحت .. وابعد عن منابت الشعر 


بيوتي بلندر 


البيوتي بلندر مفضله للابد بالنسبه لي احبها لدمج الكونسيلر والفاونديشن تخلي منظره طبيعي وتدمجه بصوره حلوه ماتخيلني اعيش من غيرها 







الخميس، 21 مايو، 2015

مشترياتي من سيفورا






تدوينه اليوم بتكون عن مشترياتي من سيفورا .. كانوا مسوين خصم خاص 20٪ للي معهم بلاك او قولد كارد

هذي مشترياتي اغلبها كانت اشياء جديده واول مره اجربها 





راح اتكلم اول شي عن اشياء العنايه 


خذيت بوكس عنايه من لانكوم





بوكس من لانكوم لمقاومه التجاعيد وعلامه تقدم في السن فيه سيروم للوجه بالحجم الكبير ومعه ٣ عينات من كريم العيون وكريم للوجه … طبعا سعره ٦٠٠ ريال بنفس سعر الكريم الاساسي بس الفرق ان  معه عينات حجمها متوسط



غسول من قلام قلو 



كثير سمعت مدح على منتجاتهم وماسكاتهم لكن ماجربت منها شي لما نزلوا الغسولات عجبتني وتحمست لها نفس فكره الماسك غسول بالطين لتنظيف البشره بعمق وقبض المسامات وتنقيتها من الشوائب نفس قوام الماسك تقريبا تخلينه على وجهك وتبدآي تغسلي بحركه دائريه الين مايتحول الطين لرغوه سعره ب ١٧٥ وحجمه كبير ١٥٠ جرام


ماسك من بيتر روماس روث



الماركه هذي نزلت قريب بسيفورا وجربت ماسك الورد وحبيته وشفت هذا ماسك تحطينه قبل النوم واول ماتقومي تغسلينه  تحمست له لان فكرته جديده اول مره اجرب شي زي كذا 
عباره عن فيتامين سي مركز جدا ينعم البشره يوحدها ويفتحها  ويقلل من التجاعيد والخطوط التعبيريه
سعره ٢٣٣ ريال وحجمه ١٠٠ ملل 



مزيل مكياج سيفورا


جربته من قبل وحبيته فيه زيت ممتاز جدا لازاله مكياج العيوان والوتر بروف خذيت حجم كبير سعره ٥٣ ريال



زبده الجسم من سيفورا


اخذت حجمين منها صغير للشنطه وكبير للبيت حبيت ترطيبها جدا واهم شي ماتحسينها تدبق لا تمتصها البشده بسرعه وريحتها حلوه الصغيره ب ٣٥ والكبيره ١٠٢ 




مزيل مناكير من سيفورا 


مجربته من قبل وحبيته ينظف بسرعه وبنفس الوقت ماحسه قوي ع الاظافر وخذيت الي على اليمين مناديل صغيره لازاله المناكير حبيتها حلوه تنحط بالشنطه خذيتها لاني احب احط مناكير كثير واحتاج مزيل صغير بالشنطه 
الي باليمين سعره ٢٩ ريال واليسار ٥٣ ريال 





برايمر من جيرلان 


حلو هالبرايمر يعطي اشراقه وقلو ممتاز للمناسبات لان فيه لمعه بسيطه تخلي منظر البشره صحي ينحط قبل الاساس طبعا سعره نسيت كم بالضبط لاني ضيعت الفاتوره بس اتوقع ميتين وشي 




برايمر ميك اب فور ايفير 



نزلت ميك اب فور ايفير من فتره كولكشن برايمر لتصحيح الوان وعيوب البشره خذيت برايمر التحكم بالدهون لان بشرتي دهنيه وشفت كثير يمدحونه سعره ب ١٦٠




بي بي كريم من بنيفيت



بي بي بيغ ايزي من بينيفت كان عندي عينه منه جربته وعجبني جدااا تغطيته متوسطه وبنفس الوقت خفيف ع البشره وقوامه حلو يتحول لبودره .. حمايه من الشمس فيه ٣٥ … وبالنسبه لي البي بي شي ماستغني عنه لانه استخدمه اغلب الوقت الرجه الي اخذتها ٠٥ بيج .. وسعره ١٦٥ ريال اتوقع



بودره نيكد سكن الجديده

 
هالبودره جديده نزلت من اربين ديكاي شكل العلبه والتغليف انيق ماجربتها من قبل بس شفت كم بلوقر تتكلم عنها بالانستقرام فقلت باخذها عشان اجربها واعلمكم رآي فيها 
سعرها ب ١٧٥ ريال



كونسيلر نيكد سكن

كمان هالشي جديد من اربين ديكاي نزل من فتره بسيطه وكثير مدحووووه حبيته مبدآيا قوامه مائي خفيف يندمج بسهوله ومايخطط (لازم اثبته ببودره) مكتوب انه فل كفرج بس حسيت تغطيته وسط .. راح استخدمه فتره واسوي ريفيو بالتفصيل 
سعره ب ١٣٩ ريال


مثبت مكياج من اربين ديكاي


انا استخدم الثاني long lasting الي لونه بنفسجي بس لقيته مخلص وقلت اخذ هذا اجربه oil free حسيت بيناسبني لانه بشرتي دهنيه سعره ١٢٧ ريال



قلم كحل من اربين ديكاي



خذيت كحل بني فيه لمعه بسيطه اكحالهم جميله جداااا ثابته وماتسيح ابدا مره عجبتني وخذيت هاللون حسيته حلو لتحت العين سعره ٩٥ ريال


كحل بيج من سيفورا




تكلمت عنه بالانستقرام مره جمييل هالكحل لجوا العين ودايم مخلص لي سنه ونص وانا ادوره عجزت القاه .. ولقيته بفرع المملكه وكان مليان منه مره انبسطت اني لقيته لان جودته ممتزه وسعره جدا رخيص  ب ٥٥ ريال



روج ميك اب فور ايفير


روج من ميك اب فور ايفير مات رقم ٥ … انا عندي اغلب ارواجهم المات وعاجبتني مررره ثابته وماتنشف الشفايف ودرجاتها مره حلوه … صارت ارواجي المفضله سعرها ب ١١٣



روج ميلتد من توفيسد 


ارواج ميلتد من توفيسد جربتها قبل وعجبتني حبيت تركبيتها تقدرين تتحكمين بالفنش اذا مطفي او بلمعه واهم شي ماتنشف الشفايف وثاااابته سعرها ب ١١٥ ريال


كونتور من توفيسد


جربته هنا وعجبني مبدآيا اوانه واضحه وبقمنتد مرره درجات الكونتور مره جميله وحده على رمادي والثاني بني حبيتها اكثر من الهايلايت وحده منهم بلمعه فيها حبات قليتر ذهبيه ماحبيتها مره اما باقي العلبه عجبتني وسعررها جدا رخيص كان ب ١٦٠


بيوتي بلندر 



اخر شي خذيته بيوتي بلندر ماستغني عنهاا ابداااا مره احبها تدمج الكونسيلر والفاونديشن بدون مايخطط وتخلي منظره طبيعي … وطبعا لازم كل فتره نغيرها لان لها عمر زمني سعرها ب ٨٠ ريال 


طبعا المشتريات كلها كان عليها خصم ٢٠٪ عشان البلاك كارد


الي جربت اي شي منها او تعرف عنها شي تشاركني تجربتها والي عندها اي سؤال تتفضل تسالني عن اي شي